Përdorimi i së njëjtës makinë dhe kamerat e sigurisë ishin pikat kyçe që zbuluan dhe arrestuan vrasësin e biznesmenit Edmond Papa dy javë më parë te Komuna e Parisit në Tiranë. Killeri është Albano Velo 30 vjeç, lindur në Këlcyrë, Përmet dhe banues në Tiranë. Në kërkim është shpallur bashkëautori, A. B. 44 vjeç, banues në Tiranë.
EMRI/ Ky është i riu që qëlloi me 6 plumba biznesmenin në Tiranë
Në kuadër të operacionit policor të koduar “EAGLE EYES” u sekuestruan në cilësinë e provave materiale makina tip “Audi” e përdorur nga autorët e dyshuar para dhe pas ngjarjes, pamje filmike dhe 3 aparate celularë.
Dy provat që zbuluan autorët
Autorët e kanë ndjekur për disa ditë biznesmenin Edmond Papa, para dhe ditën e ngjarjes deri në realizimin e krimit më 16 dhjetor 2022 në një lokal poshtë shtëpisë së vëllait.
“E ndoqën si hije”! Ky është killeri që ekzekutoi biznesmenin në Tiranë
Policia thekson se drejt në gjurmët e autorëve e çuan kamerat e sigurisë dhe makina tip “Audi” që përdorën autorët në rrugën “Fadil Bodinaku“ Tiranë, kur erdhën dhe ikën.
Drejtoria e policisë nuk jep motivet e vrasjes dhe nëse lidhet me pistën e dy vrasjeve në Athinë.
