Kandidati i PD-së për Bashkinë e Durrësit, Igli Cara shprehet se një nga problemet më të ndjeshme për banorët e qytetit bregdetar është çështja e mbetjeve.
Ai flet me shifra konkrete. Sipas deputetit, 961 milionë lekë, që u mblidhen nga taksat këtyre qytetarëve, nuk shkojnë për zgjidhjen e këtij problemi, por për përfitimet e qeveritarëve.
“961.000.000 lekë të rinj të barabarta me 28% të buxhetit të 2023 të Bashkisë së Durrësit do të shkojnë per menaxhimin e mbetjeve.
Taksat e qytetarëve durrsakë planifikohen për inceneratorin e Tiranës dhe transferta qeveritare.
Dhe më e paimagjinueshme është që pas 23 viteve nuk ka akoma një plan strategjik zhvillimi apo menaxhimi të këtij sektori. E kuptueshme përse behet! Duhet t’i shërbehet oborrit të Ramës” shprehet Cara.
