Nënkryetari i Partisë së Lirisë, Endrit Braimllari shprehet se tashmë, pasi gllabëroi miliona euro, landfilli i Sharrës po ndot dhe detin. Ai shkruan në një postim në Facebook, se ujërat e landifillit të Sharrës derdhen në lumin Erzen dhe më pas në gjirin e Ishmit në Durrës.
“Landfilli i Sharrës së Veliajt ndot edhe detin. Miliona euro nga taksapaguesit të grabitur nga banda e Erion Veliaj për të ndërtuar inceneratorin që nuk ekziston, jo vetëm që ka mbytur Tiranën në mbeturina por tani po ndot dhe detin. Ujërat e Landifillit të Sharrës derdhen në lumin Erzen dhe më pas në gjirin e Ishmit në Durrês” thotë Endrit Braimllari duke publikuar edhe pamjet e ndotjes.
