Në datë 7 Shkurt në dhomë këshillimi në Gjykatën e Lartë do të shqyrtohet kërkesa e ish-agjentit Jeton Lami për liri. Shkalla e parë në Kurbin dhe gjykata e Apelit e kanë lënë në burg pa afat.
Tashmë shansi i fundit është gjykata e Lartë. Dosja do të shqyrtohet nga relatori Sandër Simoni dhe gjyqtarët Ilir Panda e Sokol Binaj.
Jeton Lami akuzohet për shpërdorim detyre pasi është provuar sipas prokurorisë që në orarin e punës dhe jo vetëm lëvizte me makinë duke arratisur Ervis Martinajn.
Ai është personi kyç që mund të çojë në zbardhjen e misterit të të shumkërkuarit pasi nga hetimet rezulton që ai ta ketë shoqëruar ditët e para të gushtit të vitit të kaluar, para se 40-vjeçari të zhdukej dhe të denoncohej si i tillë nga familjarët.
Por Lami nuk ka pranuar të bashkëpunojë me prokurorinë. Prej 9 muajsh Martinaj kërkohet nga SPAK.