Zbardhen detaje të reja nga ngjarja e ndodhur të shtunën në zonën e Bllokut në Tiranë dhe që u mbajt e fshehur nga policia. I plagosuri është Eder Dorzi. Ngjarja ndodhi në lokalin “De Charm” në zonën e Bllokut Tiranë.
Ai deklaroi se ka qenë i ulur në këtë lokal kur dy persona i janë afruar duke e qëlluar me thikë disa herë. I plagosuri ndodhet tek “Trauma”. Dyshimet janë se shkak për konfliktin mund të ketë qenë agresorët pasi njihen si përdorues droge.
Dorzi është emër i njohur për policinë. Ai është arrestuar disa vite më parë me akuzën se ishte pjesë e grupit që shfrytëzonin vajzat e huaja për prostitucion.
Ai u arrestua në vitin 2015 në kuadër të operacionit ndërkombëtar “TEMPESTA 2015”. Grupi kriminal shfrytëzonte për prostitucion vajza nga Europa lindore në zonën e Milanos, Itali.
Sherr me grushte dhe thika në Bllok! Një i plagosur rëndë, por policia e fshehu
