Mbrëmjen e sotme Kryeministri Edi Rama ka mbledhur drejtuesit politikë në qarqe. Fokusi janë zgjedhjet vendore të 2023, në një kohë kur socialistët nuk kanë bërë ende publike zyrtarisht emrat e kandidatëve për garën e 14 majit.
Në shumicën e bashkive pritet që të ketë rikonfirmime, por nuk përjashtohen surprizat. Socialistët gjenden në vorbullën e skandalit pas aferës që solli arrestimin e ish-zyrtarit të lartë të FBI-së, i cili ka udhëtuar disa herë në Shqipëri dhe mes takimeve është pritur nga vetë Edi Rama.
