Gazetari Elvis Hila, i cili u dhunua pasditen e djeshme në Lezhë për shkak të detyrës në një postim në Facebook shprehet se këto veprime nuk e pengojnë misionin në shërbim të së vërtetës.
Pre e sulmit ra edhe bashkëshortja e tij. Gazetari ka bërë kallëzimin në polici dhe dy autorët, Paulin Përgjini dhe Indrit Ameri, që janë shpallur në kërkim.
“Te nderuar miq, koleg e bashkepunetor. Ju falenderoj per mbeshtetjen, pas incidentit te ndodhur nje dite me pare per shkak te detyres time si gazetar.
Reagimi i strukturave ligjzbatuese ka qene i menjehershem dhe kam besim ne zbardhjen e ngjarjes, e cila eshte nje goditje e rende per fjalen e lire.
Keto veprime nuk e pengojne misionin tim ne sherbim te se vertetes, pune te cilen e bej me plot deshire dhe pasion prej 12 vitesh” shkruan ai.
Gazetari Elvis Hila është dhunuar për një lajm që publikoi për Fran Amerin. Ky i fundit u dënua me një vit burg pasi kishte prodhuar një vendim gjyqësor të falsifikuar. Ameri u gjet fajtor për veprën penale “falsifikim dokumentesh”.
“Më goditën me grushte dhe shkelma”/ Zbardhet dëshmia e gazetarit Elvis Hila që u dhunua!