Në seancën e sotme parlamentare janë përkujtuar viktimat e holokaustit në kuadër të Ditës Ndërkombëtare të Përkujtimit të Holokaustit.
Presidenti Bajram Begaj i është drejtuar kuvendit me një letër në lidhje me homazhet e sotme.
“Të nderuar të pranishëm!
Lejomëni që të sjell në vëmendje fjalët e të ndjerit Noach Flug, diplomat dhe mbrojtës i shquar për të drejtat e të mbijetuarve të Holokaustit.
“Kujtesa është si uji: është thelbësore për jetën dhe gjen rrugën e vet drejt hapësirave të reja dhe njerëzve të ndryshëm. Kujtesa është gjithmonë konkrete: ajo është e gjallë, me fytyra dhe vende, me hapësirë, aromë dhe tinguj.” – deklaroi Flug.
Kujtesa i ndihmon qëniet njerëzore të ndajnë të mirën nga e keqja, të drejtën nga e gabuara dhe pa të, shoqëritë nuk mund të arrijnë kurrë drejt një të ardhmeje më të mirë.”, nis Begaj letrën e tij.
Mes të tjerash në letrën e tij Begaj thekson vlerat e mikpritjes në shqiptarëve.
“Shqipëria ka qënë në anën e duhur të historisë për shkak të zgjedhjeve që ka bërë. Zgjedhje jo vetëm zyrtare, në formën e vendimeve, por edhe vlerave njerëzore, përmes solidaritetit“
