Përfundon dënimin me burg. Lirohet nga qelia ish-kryetari i bashkisë së Lushnjes, Fatos Tushe.
Gjykata e Apelit ka pranuar kërkesën për liri pasi ka përfunduar dënimin e dhënë nga shkalla e parë. Në korrik të vitit të vitit të kaluar Tushe u dënua me 2.4 vite burg.
Ai u shpall fajtor për shpërdorim detyre në dy raste, ndërsa për akuzën e favorizimit në tendera u shpall i pafajshëm.
SPAK kërkoi 3. 6 vite burg, gjykata dha 2.4 e cila u krye në paraburgim. Përveç dënimit penal, gjykata vendosi që ish kryebashkiaku të mos ushtrojë asnjë funksion publik për 5 vitet e ardhshme.
Fatos Tushe u arrestua me urdhër të SPAK shtatorin e vitit 2021 me dyshimin se favorizoi një kompani për të fituar një tender me vlerë rreth 23 milionë lekë për pastrimin e një kanali ujitës.
