Një 66-vjeçar ka gjetur vdekjen si pasojë e një aksidenti rrugor në fshatin Jubë të Durrësit, ku teksa ishte duke drejtuar motoçikletën e tij, ka humbur kontrollin duke dalë nga rruga.
Për pasojë ai ka ndërruar jetë, ndërsa policia ka shkuar në vendin e ngjarjes për zbardhjen e plotë të rrethanave të aksidentit.
NJOFTIMI I POLICISË DURRËS:
Durrës/Informacion paraprak: Rreth orës 09:00, në fshatin Jubë, Durrës, shtetasi Q. T., 66 vjeç, duke drejtuar motomjetin, ka humbur kontrollin dhe për pasojë, motomjeti ka dalë nga rruga. Nga ky aksident, 66-vjeçari ka humbur jetën. Grupi hetimor vijon punën për përcaktimin e shkakut të aksidentit.
