Policia italiane ka arrestuar një 21-vjeçar për një grabitje me armë, ngjarje e cila ka të ndodhur në verë në Firence.
Paraditen e djeshme pas shumë hetimesh Karabinierët e Firences arrestuan një 21-vjeçar shqiptar në lidhje me vjedhjen e kryer i cili nuk është identifikuar.
Hetimet e kryera deri më 10 janar dhe si rezultat i ankesës së paraqitur nga viktima, bënë të mundur mbledhjen e elementeve që bënë përgjegjës shqiptarin për grabitjen.
Më 10 gusht, rreth orës 5.15, “viktima” ishte larguar nga shtëpia për të marrë makinën e tij, të parkuar në via Martiri del Popolo.
Gjatë rrugëtimit ai do të kishte vënë re praninë e një të riu, i cili me këmbëngulje i afrohej duke i bërë pyetje të pakuptueshme dhe duke e quajtur “xhaxhi”.
55-vjeçari arriti tek makina e tij, por shumë shpejt kuptoi se po ndiqej nga shqiptari.
Duke u futur në automjet, pasi kishte marrë me mend qëllimet e të riut, ai tentoi që të mbyllte siguresën e mjetit, por më shpejt se ai veproi i riu që u fut në sendiljen e pasagjerit dhe i kërkoi paratë.
55-vjeçari vendosi t’i jepte menjëherë grabitësit disa nga paratë që mbante në xhep në atë kohë, por duke u përpjekur në të njëjtën kohë të jepte sa më pak të ishte e mundur; por në fund shqiptari e detyroi që t’i jepte 300 euro cash.
Pasi i mori telefonin dhe çantën, e urdhëroi që të mos lajmëronte Policinë.
Pasi mbërriti në shtëpinë e tij, ku e priste familja e tij, viktima u nis për në Sicili me pushime ku më vonë raportoi ngjarjen në stacionin e Policisë.
