Partia Demokratike ka njoftuar sot drejtorinë e policisë Tiranë për protestën e së shtunës në Bulevardin “Dëshmorët e Kombit” përballë Kryeministrisë në orën 12:00. Sipas njoftimit të selisë blu, në shesh pritet të jenë nga 80 mijë-100 mijë persona.
Rreth 200 persona, thuhet në njoftim do të jenë nga PD për mbarëvajtjen e protestës, kryesisht të rinj me një shenjë dalluese, shirit në krah. Gjithashtu në letrën dërguar policisë thuhet se protesta po bëhet për të kërkuar largimin e kryeministrit Edi Rama.
