Ekipet e shpëtimit po vazhdojnë përpjekjet e tyre të furishme për të gjetur të mbijetuar nën rrënoja, tre ditë pas tërmetit vdekjeprurës në Turqi dhe Siri.
Ekipet e shpëtimit arritën të çlirojnë një fëmijë tjetër që ndodhej nën rrënoja. 7-vjeçari Ahmet Erdem u nxor i gjallë nga rrënojat e një ndërtese në qytetin Antiyaman, 70 orë pas tërmetit me magnitudë 7.8 ballë.
71. saatte gelen mucize!
Güzel yavrumuz Ahmet Eren’i kurtardık.
İlk sözleri “yarın okulum var” oldu…
Bu ülkenin yarınları, umutları sensin… pic.twitter.com/SEdMqtHs2k— Adil Karaismailoğlu (@akaraismailoglu) February 8, 2023
Mediat kanë postuar videon e shpëtimit të një 7-vjeçari të bllokuar në një kompleks banesash. “Ne do të të japim çamçakëz, Ahmed. Tashmë e kemi gati bukën me çokollatë. Hajde Ahmed, hajde djali im”, dëgjohen t’i thonë shpëtimtarët.
Sipas mediave turke, fjalët e para të 7-vjeçarit kur doli nga rrënojat ishin “Nesër kam shkollë”. Pamjet nga shpëtimi i 7-vjeçarit pas tërmetit në Turqi janë ripublikuar edhe nga ministri i Transportit dhe Infrastrukturës së Turqisë.
