Në marshimin e tij, Sali Berisha u ndal edhe te selia e PS-së ku kishte disa mesazhe për socialistët. “Kam ardhur së pari për një mesazh miqësor për të gjithë socialistët e ndershëm dhe kërkoj mirëkuptimin e tyre.
I siguroj që aq sa kanë ata respekt për lirinë dhe votën e tjetrit, aq ka edhe Sali Berisha për ata.
Kam ardhur për t’u thënë se kjo ndërtesë është shndërruar në simbolin e së keqes nga një grup i kryesuar nga Edi Rama. Edi Rama nuk është i vetëm, po ai që kryeson grupin parlamentar është një trafikant.
Merrej në Rumani duke nxjerrë duke u nxjerrë viza prostitutave rumune, më vonë u mor me trafik droge. I del emri në grupet kriminale. Çfarë i lidh socialistët me ata? Po Gjiknuri? Gjiknur, guru!
O socialistë të ndershëm, nëse Alda Klosit, o socialistë të ndershëm iu gjetën 700 mijë euro, Damianit i kanë humbur 6 mln euro, po ku i mori? Vendi i tij është në burg” tha ai.
