Kryetari i grupit të PS-së, Taulant Balla deklaroi sot se kërkesat e opozitës për mocion me debat me Edi Ramën, por edhe për interpelancën dhe pyetje përgjigjet po marrin udhë për në 2 mars. Komisioni Hetimor duket i pamundur, pasi PS nuk lëshon pe.
“A do të respektohen rregullat në Kuvend? Të gjitha kërkesat e opozitës kanë marrë rrugë. Komisioni hetimor është ende në konferencën e kryetarëve.
Kam një pyetje publike për Belind Këlliçin, ka firmosur vetë? Nëse po, di ta shkruajë emrin e tij? Aty deputetë të gjendur jashtë Shqipërisë ka firmosur kolegia e tyre. Është një akt i ulët” tha ai.
Deputeti Petrit Vasili nga Partia e Lirisë nuk heq dorë nga komisioni hetimor. “Kryeministri erdhi në sekondën e fundit në mënyrë të turpshme. Alibitë për komisionin hetimor janë zero. Mashtrim.
Vendimi i Kushtetueses, ne i kemi kërkuar prej një viti dhe këta nuk i kanë shqyrtuar. Pretendimet e tyre janë për t’i dhënë kohë frikës së Edi Ramës. Ligji i komisioneve hetimore është në fuqi dhe nuk kanë alibi të bllokohet” tha ai.
