Banorët e Bërxullës kanë dalë sërish në protestë këtë të dielë kundër ndërtimit të aksit Thumanë-Kashar. Ndryshe nga ditët e tjera sot disa nga protestueset e moshuara kanë përshkallëzuar protestën e tyre duke u shtrirë në rrugën e makinave.
Një banore tha për mediat se ka rreth 5 muaj që banorë protestojnë dhe se me ndërtimin e autostradës tokat e tyre bëhen të paaksesueshme, përveç pretendimit për shpronësimin e padrejtë të pabarabartë me çmimin e tregut.
Banorja vijoi duke thënë se nëse do “vijnë ta vrasin” për pronën, do të përgjigjet në mbrojtje të shtëpisë së saj me çdo kusht.
