Në datë 2 mars Gjykata e Lartë do të marrë në shqyrtim rekursin e bërë nga Ervis Martinaj për ngjarjen e ndodhur në 4 Tetor të 2018 në Bllok, ku mbeti i vdekur Fabiol Gaxha.
41-vjeçari është i zhdukur prej muajit gusht të vitit të kaluar, por proceset gjyqësore vijojnë.
Pas ngjarjes në Bllok biznesmeni i basteve u arrestua dhe më pas u lirua me garanci pasurore nga gjykata e Tiranës.
Ai u dënua 3 vite e 8 muaj burg me gjykim të shkurtuar për sigurim të kushteve dhe mjeteve për vrasje, fshehje të të ardhurave, falsifikim të pasaportave dhe baste pa leje.
Ndërkohë që për Ervis Martinajn po hetojnë edhe dy prokurori, e SPAK-ut për dosjen “Plumbi i Artë” dhe për zhdukjen e tij që po heton prokuroria e Kurbinit.
