Tre persona janë arrestuar në Tiranë pasi qarkullonin me armë zjarri pistoletë në makinë. Të arrestuarit janë; Klejdi Yzeiraj, Enton Mehmeti dhe Amarildo Nazari të tre banues në Tiranë.
Gjatë operacionit në rrugën “Muzakët” ka ndaluar makinën me drejtues Amarildo Nazarin dhe pasagjerë Klejdi Yzeirajn dhe Enton Mehmetin. Në momentin e ndalimit, Enton Mehmeti ka kanosur punonjësit e policisë, sipas njoftimit.
Gjatë kontrollit fizik të Klejdi Yzeirajt shërbimet e policisë i kanë gjetur një armë zjarri pistoletë dhe municion luftarak, për të cilën drejtuesi i automjetit, Amarildo Nazari ka dhënë deklaratë të rreme, se arma ishte e tij.
Në cilësinë e provës materiale u sekuestrua arma e zjarrit pistoletë me krehër me 6 fishekë, një automjet, dhe dy mjete të forta (çekiçë), të gjetura gjatë kontrollit të automjetit.
