Gjithnjë e më shumë po dëgjohen zëra që flasin për një “aksident të paramenduar” në lidhje me përplasjen e 2 trenave në Greqi.
Shoferi dhe anëtar i Bordit Drejtues të Federatës Panhelenike të Shoferëve, Alexandros Iordanidis ka folur për aksidentin e trenit në buletinin kryesor të lajmeve të ANT1.
Ai e përshkroi tragjedinë në Tempe si një “aksident të paramenduar”.
Ai theksoi se “sistemet që janë porositur dhe paguar nuk janë instaluar”, ndërsa shtoi se “duhej të kishim hyrë në sisteme më moderne por kemi qëndruar me sistemet e viteve 70”.
“Nuk janë vendosur sistemet për të na bërë më të sigurt”, theksoi Iordanidis.
Ndërkohë eksperti mjekoligjor, Grigoris Michalopoulos u shpreh se masat e sigurisë nuk janë vendosur që nga viti 2004.
“Masat e sigurisë për mbikëqyrjen elektronike të linjave nuk kanë funksionuar që nga viti 2004. Është e qartë se trenat nuk duhet të funksionojnë”, tha më herët Michalopoulos.
“Duhet të theksojmë se ka disa udhëzime për çështjet e sigurisë së linjës përtej gabimit njerëzor. Eliminimi i gabimit njerëzor nuk është një faktor i rastësishëm. Rregullorja e funksionimit është shumë specifike. Masat e sigurisë për monitorimin elektronik të linjave nuk janë në funksion që nga viti 2004. Është e qartë se trenat nuk duhet të qarkullojnë,” theksoi ai.
