I ftuar në “5 Pyetjet” Endrit Braimllari, nënkryetar i Partisë së Lirisë, u shpreh se Rama dhe Rilindja janë në panik. Sipas tij, vendi sot ka nevojë për ndryshim dhe për demontimin e sistemit monist të instaluar nga Rama në të gjitha bashkitë e vendit.
“Edi Rama dhe Rilindja janë në panik. Opozita i ka të gjitha mundësitë për t’u regjistruar. Sot vendi ka nevojë për ndryshim. Ka nëvojë për demontimin e sistemit monist të instaluar në të gjitha bashkitë e vendit.
Endrit Braimllari në “5 Pyetjet”: Ne do hyjmë në zgjedhje dhe do t’i fitojmë!
Për herë të parë Edi Rama futi në fjalor termin falimentim bashkie. Kemi disa bashki që kanë falimentuar prej Edi Ramës.
Ne po vazhdojmë betejën tonë në terren. Ka një bashkim të energjive opozitare. Për ne e rëndësishme janë hallet e qytetarëve. Për rilindjen është hall vula e Partisë Demokratike.”, u shpreh ndër të tjera në fjalën e tij Endrit Braimllari.
