Kryebashkiaku i Bulqizës, Lefter Alla është arrestuar me urdhër të SPAK. Alla është prangosur pas dyshimeve të SPAK ndaj tij për abuzime me tenderat publike të rrugëve dhe përfshirje në korrupsion.
Bashkë me Allën mësohet të jenë shoqëruar edhe disa zyrtarë të tjerë të bashkisë Bulqizë. Tre vjet më parë, Alla u hetua nga SPAK për “prodhim dhe mbajtje të lëndëve narkotike”, hetim që nisi pas publikimit të një videoje, ku pretendohej se shfaqej kryebashkiaku duke konsumuar kokainë.
Operacioni në mesnatë! SPAK mori kryetarin dhe gjysmën e zyrtarëve të bashkisë
Në kuadër të hetimit, kryebashkiaku iu nënshtrua dhe testit të drogës, prej nga rezultoi se nuk ishte përdorues i lëndëve narkotike dhe më pas hetimi i nisur u pushua.
Gjithashtu në media bëri xhiron edhe për rrugën më të çuditshme në Shqipëri që ndërtoi bashkia Bulqizë me kryetar Lefter Allën. Komenti është i tepërt, për më shumë shikoni vetë foton dhe gjykoni se çfarë bëhet me lekët e taksapaguesve.
