Ndihmës sekretari i Shtetit të SHBA-së, Gabriel Escobar një ditë para takimit në Ohër, do të takohet edhe me kryeministrin, Albin Kurti.
Takimi pritet të mbahet në ndërtesën e Qeverisë së Republikës së Kosovës, me fillim nga ora 11:00.
Para takimit me Kurtin, Escobar pritet të takohet edhe me presidenten Vjosa Osmani, duke filluar nga ora 09:00.
Sipas Zyrës së Presidencës, Escobar dhe Osmani do të mbajnë konferencë për media duke filluar nga ora 10:00.
Ndërsa 20 minuta pas, saktësisht në orën 10:20, Escobar do të takohet me kryetarin e Kuvendin të Kosovës, Glauk Konjufca.
