Vlora Hyseni do të jetë shefja e re e Shërbimit Informativ të Shqipërisë. Kryeministri Edi Rama në një postim në Facebook njofton se emrin e Hysenit ia ka propozuar sot Presidentit Bajram Begaj për ta dekretuar në vendin e Helidon Bendos që u largua vitin e kaluar.
Zbulohet emri/ Kjo është gruaja që do të drejtojë shërbimin sekret të Shqipërisë
“Sot i paraqita Presidentit të Republikës propozimin për emërimin e Znj.VLORA HYSENI drejtore e Shërbimit Informativ Kombëtar, me besimin e plotë se përgatitja e spikatur, eksperienca e krijuar në vite dhe respekti që zonja Hyseni gëzon në komunitetin ndërkombëtar të inteligjencës, përbëjnë një garanci të plotë për reformimin e mëtejshëm të shërbimit inteligjent shqiptar” shkruan ai.
Hyseni me origjinë nga Kosova ka mbajtur detyrën në krye të Inteligjencës së Kosovës nga dhjetori 2020 deri në prill 2022. Më pas kryeministri Edi Rama e mori këshilltare.
