Familjarët e viktimave të 21 Janarit kanë ankimuar vendimin e SPAK-ut që shpalli moskompetencë dhe çoi padinë në Prokurorinë e Tiranës.
Kallëzimi i familjarëve, por edhe PS-së dhe ministrisë së Drejtësisë erdhi pas publikimit të audio-përgjimit në media, të cilin e zotëron familja Nika, dhe që dyshohet se janë komunikimet e grupit të Gardës, zinxhirit komandues në 21 Janar.
Familja kërkoi që SPAK të zbardhë 21 janarin, duke kallëzuar penalisht për vrasje në rrethana cilësuese ish-kryeministrin Sali Berishën, ish-ministrin e Brendshëm Lulzim Bashën dhe ish-kreun e Gardës Ndrea Prendin. Gjykata e Posaçme do të vendosë në 29 Mars.
