“Rama në burg, Berisha në burg”! Me këto thirrje banorët në Rrjoll të mbështetur nga qytetarë nga Tirana dhe qytete të tjera sot shkuan dhe rrëzuan gardhin metalik duke u futur brenda kantierit ku po ndërtohet resorti nga biznesmeni Bashkim Ulaj.
Protesta në Rrjoll, qytetatët rrëzojnë gardhin, futen brenda rrethimit
Kjo gjë ishte paralajmëruar më herët, teksa banorë dhe aktivistë kanë deklaruar se do të veprohet si me Zvërnecin. Banorët e fshatit Rrjoll e kanë kundërshtuar prej disa muajsh ndërtimin e resortit turistik “Blue Borgo”, që po zhvillohet nga kompania Gener 2.
Ata thonë se toka është e tyre, nuk është kompensuar si duhet dhe dokumentet e pronësisë janë kontestuar për falsifikim, duke krijuar një konflikt pronësie me firmën ndërtuese.
