Kryeministri Edi Rama ka bërë të ditur se punimet për “Bypass-in e Shëngjin” po vijojnë dhe pritet të përfundojnë në shkurt të vitit 2027, sipas njoftimit të tij në rrjetet sociale.
“Bypass-i i Shëngjinit është një nga investimet më të rëndësishme infrastrukturore për turizmin në veri. Ky aks do të shmangë trafikun në qendër të qytetit dhe do të përmirësojë ndjeshëm qarkullimin gjatë sezonit veror, duke lidhur Shëngjinin me Ranën e Hedhun dhe më tej me Velipojën. I ndërtuar përgjatë malit të Rrencit, bypass-i do të shërbejë edhe si një rrugë panoramike që rrit atraktivitetin turistik të zonës. Punimet pritet të përfundojnë në shkurt 2027”, ka shkruar Rama në rrjetet sociale.
