Emiratet e Bashkuara Arabe pas takimit të kryeministrit të Kosovës, Albin Kurti dhe presidentit serb, Aleksandar Vuçiç kanë deklaruar se kanë mirëpritur marrëveshjen mes 2 vendeve.
Ambasadorja, Lana Zaki Nusseibeh vlerësoi marrëveshjen e arritur për zbatimin e planit europian duke theksuar se ajo përfaqëson një hap të rëndësishëm drejt forcimit të paqes dhe sigurisë rajonale, si dhe ndërkombëtare.
“Emiratet e Bashkuara Arabe besojnë në domosdoshmërinë e ndërtimit të urave të bashkëpunimit dhe dialogut për të zgjidhur mosmarrëveshjet dhe për të rritur besimin në një mënyrë që bashkon këndvështrime të shumta,” u shpreh Nusseibeh.
Ajo shprehu vlerësimin për rolin e Bashkimit Europian në lehtësimin e marrëveshjes për zbatim, duke nënvizuar gatishmërinë e Emirateve të Bashkuara Arabe për të mbështetur këtë proces të mbështetur nga BE.
“Emiratet e Bashkuara Arabe pohojnë aspiratën që marrëveshja të ketë sukses, duke kontribuar kështu në stabilitetin rajonal dhe në rritjen e prosperitetit dhe zhvillimit për popullin e Serbisë, Kosovës dhe të gjitha kombeve të Ballkanit Perëndimor,” ka thënë ajo.
