Kapiteni i kombëtares së Argjentinës, Lionel Messi kishte dalë për një drekë me familjen e tij.
Normale në sy të parë por kjo ka sjellë një grumbullim të paparë argjentinasish rrugët e Buenos Aires.Aq shumë persona u grumbulluan për një foto me Messin sa u detyrua të ndërhynte policia.
Messi gjendet në Buenos Aires për ndeshjen miqësore të Albicelesteve me Panamanë, duke gjetur një moment për të qenë pranë familjes.
Gjithçka filloi kur një klient regjistroi Messin duke mbërritur në restorant dhe e ngarkoi videon në internet.
Fjala se Messi ishte aty u përhap dhe rruga filloi të mbushej brenda pak minutash. Disa fatlumë ia arritën qëllimit të shikonin nga afër idhullin e tyre dhe të bënin foto me të.
