Kryeministri i Kosovës, Albin Kurti është shprehur se plani i zbatimit të marrëveshjes së rënë dakord në Ohër do duhej të niste që nga dje.
Sipas Kurtit zbatimi nuk ka nisur për shkak të Serbisë dhe se duhet kërkuar të merren masa nga ndërkombëtarët për këtë vonesë.
“Zbatimi i kësaj marrëveshje duhet të fillonte qysh dje, për shkak se edhe plani i zbatimit thotë se ka një afat se kur duhet të fillojë marrëveshja së zbatuari. Edhe marrëveshja bazë edhe plani i zbatimit tashmë i kemi të dakordsuara.
Për neve kjo është marrëveshje, por unë pres nga faktori ndërkombëtar që ta dënojnë e gjykojnë sjelljen e Serbisë e cila kur mbahen takimet thotë se nuk nënshkruaj e ndërmjet takimeve thotë se nuk zbatoj gjë,” u shpreh Kurti.
