Drejtoria e Përgjithshme e Shërbimeve të Transportit Rrugor ka hapur një tender me vlerë limit 71 milionë lekë (7.158.675) për marrjen e disa makinave me qira për 12 muaj. Tenderi është hapur në pritje të ofertave deri në 3 Prill.
Shuma do të mbulohet nga të ardhurat e brendshme të institucionit, thotë drejtuesi Blendi Gonxhe në dokumentet e tenderit. Por çfarë modeli apo kushtesh duhet të plotësojnë makinat që do të merren me qira për nevojat e institucionit?
Makinat që do të merren me qira nuk duhet të jenë më të vjetra se viti i prodhimit 2019. Në dokumentacion, Drejtoria e Transportit argumenton se “marrja e 8 automjeteve me qira është shumë e domosdoshme për kryerjen e aktivitetit normal të Drejtorisë së Përgjithshme të Shërbimeve të Transportit Rrugor dhe Task-Forcës, për një periudhë 12 muaj”.
Por pyetja që shtrohet është; a do të ishte më strategjike që me këtë shumë, që shkon mbi 85 milionë lekë me TVSH të bliheshin, sigurisht që jo të gjitha, por një pjesë e këtyre mjeteve dhe të ishin gjithmonë në pronësi të institucionit?
