Një nxënës është plagosur mesditën e sotme në Kamëz pas një përleshje me grushte, shkelma dhe thika mes bashkëmoshatarëve. Ngjarja ka ndodhur në Paskuqan në shkollën “Jashar Hoxha”.
Sipas policisë janë konfliktuar dy nxënës shkolle dhe gjatë konfliktit një 15-vjeçar, dyshohet se ka goditur me mjet prerës një bashkëmoshatarin e tij, i cili si pasojë është dëmtuar dhe ndodhet nën kujdesin e mjekëve.
Autori i dyshuar është shoqëruar në komisariat për veprime të mëtejshme. Grupi hetimor po punon për sqarimin e rrethanave të ngjarjes.
