Pamjet dramatike tregojnë oficerët që vrapojnë pas djalit të vogël – i cili ishte i veshur vetëm me një bluzë dhe pantallona të shkurtra – me qenin e tij në pyll gati gjysmë milje larg shtëpisë së tij.
Djali i vogël i frikësuar, emri i të cilit nuk bëhet i ditur, u zhduk pasi u mor nga shtëpia e tij në Buena Vista Township të Atlantic City mbrëma.
Në video, një oficer policie bërtet: “E mora… E mora”. Më pas thërret djalin e frikësuar dhe e qetëson. “Hej… të kuptova… je mirë.”
Djali ishte i frikësuar dhe mund të dëgjohet duke qarë në mënyrë të përsëritur, “Kam humbur këpucën time … kam humbur këpucën time”, ndërsa oficeri e merr fëmijën dhe e mban në krahë përpara se vogëlushi t’i dorëzohet nënës së tij.
Djali dhe qeni i tij humbën rrugën. Nëna e djalit tha se dëgjoi britmat e dhimbshme të djalit të saj, por nuk ishte në gjendje ta gjente atë për më shumë se një orë.
Oficeri i policisë dhe nëna e djalit kanë ndjekur tingujt e zërit të djalit të vogël dhe shumë shpejt kanë arritur ta lokalizojnë fëmijën.
Policia publikoi një video të shpëtimit të djalit që ka mbledhur mijëra shikime.
