Diplomatët dhe ambasadorët e SHBA-së mbledhje në Tiranë, pjesëmarrës Hovenier e Hill

Diplomatët e lartë të Shteteve të Bashkuara të Amerikës dhe ambasadorët janë mbledhur sot në Tiranë për konferencën e parë të shefave rajonalë të misioneve.

Ambasada amerikane përmes një postimi në Twitter ka njoftuar se në këtë takim zyrtarët kanë biseduar për prioritetet rajonale dhe globale duke përfshirë edhe luftën Ukrainë – Rusi.

“Diplomatët e lartë amerikanë dhe ambasadorët nga rajoni u mblodhën në Tiranë për konferencën e parë të shefave rajonalë të misioneve. Zyrtarët diskutuan prioritetet rajonale dhe globale, duke përfshirë pushtimin e Ukrainës nga Rusia, mundësitë e energjisë, forcimin e institucioneve demokratike dhe luftimin e korrupsionit,” thuhet në njoftim.