Autoritet italiane kanë arrestuar një 33-vjeçar shqiptar pasi ishte shpallur prej 2 vitesh në kërkim për grabitjen dhe më pas vdekjen e një të moshuari mbi 80-vjeçar në Greqi.
Shqiptari në bashkëpunim me persona të tjerë në vitin 2010 kishin grabitur shtëpinë e një të moshuari ku i morën 300 euro dhe e dhunuan duke i shkaktuar vdekjen.
Ata e kishin lidhur dhe e kishin goditur me grushte dhe sende të forta ku më pas ndërroi jetë nga asfiksia.
33-vjeçari është dënuar nga shteti grek me burgim të përjetshëm për ngjarjen e rëndë. Pas arrestimit, Gjykata e Apelit do të vendosë për ekstradimin e ti drejt Greqisë apo jo.
