Këto janë pamjet nga dhoma në repartin e kirurgjisë në Shkodër që u përfshi nga flakët rreth orës 07:05 të mëngjesit të së shtunës (22 prill).
Siç shihet, gjithçka brenda dhomës është shkrumbuar nga zjarri.
Ndërsa zjarrfikësit shuajnë flakët në dhomën, brenda së cilës s’ka mbetur më asgjë.
Fatmirësisht nuk ka pasur të lënduar, por vetëm dëme materiale.
Zjarr i fuqishëm në Spitalin Rajonal të Shkodrës, dyshimet e para flasin për…
Njoftimi i policisë:
Shkodër/Informacion paraprak. Rreth orës 07:05, të mëngjesit të sotëm, në katin e katërt të Spitalit Rajonal Shkodër, në një nga dhomat e Repartit të Kirurgjisë, ka rënë zjarr.
Shërbimet e Policisë dhe zjarrfikësit shkuan menjëherë në vendngjarje. Ndërhyrja në kohë e shërbimeve bëri të mundur neutralizimin e flakëve, duke mos lejuar përhapjen e flakëve në dhomat e tjera si dhe shuarjen e plotë të zjarrit.
Nga zjarri nuk ka persona të lënduar, vetëm dëme materiale. Grupi hetimor vijon punën për zbardhjen e shkakut të rënies së zjarrit, paraprakisht dyshohet aksidental.
