Një ngjarje e rëndë është regjistruar në Greqi ku një 14-vjeçar shqiptar ka humbur jetën pasi është rrëzuar nga biçikleta.
Mediat greke raportojnë se ngjarja ka ndodhur pasditen e djeshme në Agrinio pasi viktima kishte dalë me një kushëri për shëtitje. 14-vjeçari shqiptar teksa po udhëtonte me biçikletën e tij në një rrugë rurale humbi kontrollin e saj dhe ra në greminë.
Si pasojë i mituri mbeti i plagosur rëndë dhe u dërgua me urgjencë në spital ku më pas humbi jetën. Fatale ka qenë një goditje dërrmuese në qafë.
