Aishe Haklaj, motra e Fatmir Haklajt është paraqitur sot në SPAK ku ka dëshmuar për 12 orë.
Në një komunikim të shkurtër për mediat ajo u shpreh se familja e saj ka ende besim në SPAK dhe se nuk mund të flasë së për çfarë u pyet nga SPAK.
“Me gjithë respektin e madh për mediat që keni kryer detyrën tuaj dhe keni qenë pushteti i vetëm të cilët kemi mundur t’i drejtohemi deri tani.
Besimi ynë është ende në SPAK dhe GJKKO. Nuk mund të them më shumë sepse edhe sekretet edhe gjithçka duhet të ruhet.
Ne kemi këtu njeriun e besuar të familjes, avokatin Idajet Beqiri që ndoshta do t’ju japë më shumë”, tha Aisha.
Aishe Haklaj u mor në pyetje nga kreu i SPAK, Altin Dumani që është edhe prokuror i kësaj çështje dhe prokurorja tjetër, Elida Kaçkini.
Një ditë më parë motra tjetër Zylfije Haklaj postoi foto ku tha se i është dëmtuar varri i vëllai të saj, Fatmir Haklajt.
