Kryetari aktual i Bashkisë së Tiranës, Erion Veliaj, duke folur në “5 Pyetjet” nga Ilir Babaramo, tha se sot, atë Tiranë që ai e ka gjetur kur ka marrë drejtimin, nuk mund ta kthejë dot më. Ai shtoi se hapësirat e gjelbra janë shtuar, por shtoi se sot, jemi në një situatë kur Tirana po rritet shpejt, dhe po bëhet gjithmonë e më shumë qyteti i mundësive.
Ju keni thënë që do mbaheni mend për kryetarin që do shtoni parqet dhe jo kullat. Por ju keni dhënë trefishin e leje të ndërtimit në krahasim me kryetarët e tjerë të bashkisë. Edhe për parkun e madh, ju thatë që do bëni një park të madh, por aty po ndërtohet…
Parku do të jetë, sikurse po bëhet ai i Farkës dhe sikurse po bëhen edhe shumë të tjerë. Çfarë Tirane gjeta, unë nuk e kthej dot mbrapsht. Sot Bulevardi i Ri e ka zgjeruar Tiranën.
Gjurma e parkut vijon të jetë. Po flasim për një bashki që sot e ka zgjeruar hapësirën e parkut. Sot jemi në një situatë kur Tirana rritet shpejt. Sot Tirana është qyteti i mundësive.
