Kushtet e paqëndrueshme atmosferike që kanë përfshirë Ballkanin Perëndimor do të diktojnë motin edhe në Shqipëri, duke sjellë në pjesën më të madhe të ditës vranësira të shpeshta dhe prezencë të lartë të lagështirës në ajër.
Parashikohet që vranësirat të pësojnë zhvillime të përkohshme kryesisht gjatë orëve të mesditës dhe pasdites, duke sjellë në vendin tonë rreshje shiu. Por do të ketë zona të izoluara në gjysmën Lindore të territorit, ku do të ketë rrebeshe të përkohëshme.
Temperaturat e ajrit do të ulen ndjeshëm në mëngjes dhe në mesditë duke u luhatur nga 3°C deri në 22°C. Era do të fryjë e lehtë dhe mesatare në det me shpejtësi 40 km/h nga drejtimi Verilindor duke sjellë në brigjet detare dallgëzim 2 – 3 ballë.
Kosova
Republika e Kosovës do të mbetet në mbizotërimin e motit të paqëndrueshëm edhe përgjatë ditës së mërkurë, pasi do të vijoj dominimi i vranësirave të shpeshta të cilat gjatë orëve të mesditës dhe kryesisht pasdites do të pësojnë zhvillime duke gjeneruar reshje të pakta shiu. Ndërsa në orët e para të ditës Kosova parashikohet të ketë dhe intervale me kthjellime.
