Kaos në Paris. PSG ka vendosur të forcojë sigurinë para qendrës së saj stërvitore, si dhe para shtëpisë së Neymar, Lionel Messi dhe Marco Verratti, veçanërisht, të shënjestruar të mërkurën nga tifozët që i fajësojnë për dështimet.
Qindra mbështetës u mblodhën para selisë së PSG-së në Boulogne-Billancourt për të shprehur pakënaqësinë e tyre, duke fyer disa lojtarë si Marco Verratti, Leo Messi, Neymar dhe trajnerin Christophe Galtier.
Njëqind prej tyre u mblodhën para shtëpisë së Neymar duke i bërë thirrje që të largohej nga klubi. Protestat vazhdojnë dhe PSG vendosi këtë të enjte të forcojë sigurinë përpara Camp des loges, qendrës së saj stërvitore, si dhe ndaj disa lojtarëve të synuar.
Në një njoftim për shtyp , klubi “dënon në termat më të ashpër veprimet e patolerueshme dhe fyese të një grupi të vogël individësh” thuhet në deklaratë.
