Presidenti i Serbisë, Aleksandër Vuçiç ka paralajmëruar “një krizë të madhe” në veri të Kosovës, pas zgjedhjeve të jashtëzakonshme të mbajtura më 23 prill në Mitrovicën e Veriut, Zveçan, Leposaviç e Zubin Potok. Vuçiç përmendi “rezistencën e serbëve”.
“Kur e kuptuan se nuk mund të kalonte, atëherë u përpoqën ta zgjidhin situatën në veri në mënyrë racionale, ku po afron një krizë e madhe, sepse Albin Kurti vërtet mendon se sundon me 3-4 për qind të votave, e disa nga QUINT-i i përkrahin, sepse mendojnë se do ta thyejnë rezistencën e serbëve, përgjithmonë, duke i gjetur ata që do t’u shërbejnë edhe në veri, për të sunduar kështu…”, tha Vuçiç.
