Shtatë persona kanë humbur jetën në Brownsville të Teksasit, pasi një makinë u përplas me disa njerëz që po prisnin në një stacion autobusi.
Sipas mediave të huaja, përcjell Telegrafi, përplasja ndodhi në orën 8:30 të mëngjesit (sipas kohës lokale) pranë Qendrës Ozanam në Brownsville, tha një përfaqësues nga Departamenti i Policisë Brownsville për ABC News.
Përveç atyre që vdiqën, deri në gjashtë persona janë duke u trajtuar për lëndime të rënda dhe të lehta në spital, sipas policisë.
Shoferi ndodhet në spital duke u trajtuar dhe nën përcjellje 24 orëshe, tha policia duke shtuar se aktualisht po kryhen teste për të kontrolluar përdorimin e alkoolit dhe drogës.
