Kryetari i Grupit Parlamentar socialist, Taulant Balla ka publikuar një dokument i cili tregon një informacion që SHISH i drejtuar në 2007 nga Bahri Shaqiri i dërgonte Berishës për Fredi Belerin se ishte i dënuar për nxitje të urrejtjes nacionale dhe veprimet që po kryente në fushatë për zgjedhjet lokale asokohe.
“Kur Sali Berisha ishte Kryeministër, informohej zyrtarisht nga SHISH se Alfred Beleri është një person i dënuar, i shpallur në kërkim për “thirrje për urrejtje nacionaliste”, në prag të zgjedhjeve vendore. Sot ky person është kandidati i Sali Berishës dhe Ilir Metës në Himarë dhe për turpin e tyre guxon të flasë për helenizim të Himarës. Ky është kulmi i maskarallëkut për të tre”, shkruan Balla.
