Lufta në Ukrainë dhe agresioni kinez ndaj Tajvanit do të mbizotërojnë diskutimet e G7 këtë javë, por mikpritësi Fumio Kishida pritet të gjejë kohë për të nxitur një premtim për armët bërthamore kur udhëheqësit të takohen në Hiroshima, vendi i parë në Tokë i shënjestruar nga një bombë atomike, shkruan The Guardian.
Udhëheqësit filluan të mbërrijnë, përpara një vizite të pritshme të shtunën në Muzeun Përkujtimor të Paqes të qytetit, i cili përmban ekspozita që tregojnë shkallën e tragjedisë që shpalosi pasi SHBA hodhi një bombë bërthamore në mëngjesin e 6 gushtit 1945, duke vrarë 140,000 njerëzve deri në fund të vitit.
Kishida, Joe Biden, Rishi Sunak dhe liderë të tjerë të G7 pritet të shohin shfaqje duke përfshirë një simulim që riprodhon valën e shkatërrimit që pasoi bombardimin dhe kostot njerëzore.
Nevoja për t’iu referuar rreziqeve të armëve bërthamore është intensifikuar që kur Barack Obama u bë presidenti i parë në detyrë i SHBA që vizitoi Hiroshimën në vitin 2016.
Vladimir Putin ka refuzuar të përjashtojë publikisht përdorimin e armëve taktike bërthamore në Ukrainë, ndërsa Koreja e Veriut vazhdon të zhvillojë më shumë raketa të sofistikuara teorikisht të afta të dërgojnë koka bërthamore në kontinentin e SHBA.
