Një aksident ka ndodhur ditën e sotme në vendin e quajtur “Kryqëzimi i Gjadrit”, në aksin Lezhë-Shkodër.
Qytetarja K. B., duke drejtuar automjetin e saj, ka aksidentuar shtetasin Zef Paloka, 65 vjeç, i cili po lëvizte me motoçikletë.
Si pasojë është lënduar drejtuesi i motoçikletës i cili është dërguar në spital për ndihmën e nevojshme mjekësore.
Grupi hetimor në vendin e ngjarjes vazhdon veprimet hetimore për zbardhjen e plotë të rrethanave të aksidentit.
