Një ngjarje e rëndë është regjistruar pasditen e sotme në Kavajë ku ka mbetur i vdekur 48-vjeçari, Arjan Gosa pas të shtënave në një lokal në qytet.
Viktima ndodhej me të atin teksa po pinin kafe në një lokal në pjesën e jashtme. Në një moment është afruar një person i cili ka nxjerrë armën dhe ka qëlluar një herë.
Plumb ishte fatal për 48-vjeçarin pasi e goditi në kokë dhe e la të vdekur në vend.
Ndërkohë është identifikuar autori i dyshuar i vrasjes. Autor dyshohet të jetë 31-vjeçari, Habib Rexha.
Sipas policisë, shkak i kësaj vrasjeje është hakmarrja, ndërsa janë ngritur pika kontrolli për të bërë të mundur kapjen e autorit.
