Gjykata Administrative paraditen e sotme vendosi që të rrëzonte vendimin e Komisionerit për Mbrojtjen nga Diskriminimi, që i kërkonte pastorit Akil Pano të heshtte ndaj agjendës se komunitetit LGBT, e cila kërkonte që ligji shqiptar të ndryshonte emërimin e prindërve “baba dhe nënë” me “Prindi 1 dhe Prindi 2”. Pastori Pano e cilësoi këtë një fitore të familjes.
“Shqiptarët fituan, babai dhe mamaja vijojnë që të jenë babi dhe mami, nuk më prind 1 dhe 2. Unë jam shpallur i pafajshëm, jam shumë mirënjohës edhe për shqiptarët e mirë që besojnë se familja është e shenjtë. Ky është lajmi që kemi për ju. Kemi marrë një gur kilometrik fitoreje për çdo babë e nënë në Shqipëri” tha pastori Akil Pano.
