Që nga fillimi i pushtimit rus të Ukrainës, 483 fëmijë janë vrarë ndërsa 989 fëmijë të tjerë janë plagosur, secili me shkallë të ndryshme të ashpërsisë.
Njoftimi u bë nga Prokuroria e Përgjithshme Ukrainase ku shtuan se shumica e fëmijëve u plagosën në rajonet Donetsk, Kharkiv dhe Kherson.
“Këto numra nuk janë përfundimtarë,” tha zyra e Prokurorit të Përgjithshëm në një deklaratë.
Sipas të dhënave të OKB-së, nga 24 shkurti 2022 deri më 8 maj 2023, 8791 civilë janë vrarë në Ukrainë, ndërsa 14815 janë plagosur.
OKB-ja sqaron se këto shifra mund të jenë më të larta.
