Situatë e tensionuar në Vlorë. Forca të shumta policie kanë shoqëruar një grua në komisariat duke e marrë me forcë, pasi tentoi që të bllokonte shembjen e një godine dy kate. “5Pyetjet.al” ju sjell pamjet e situatës.
Brenda jetonin shtatë familje. Gjashtë kanë rënë dakord për shpronësimin, por njëra prej familjeve nuk ka pranuar me argumentin se me vlerën që i ka dhënë shteti nuk ka gjetur shtëpi ku të qëndrojë. Për këtë arsye bashkë me vajzën kanë hipur mbi tarracë. Por policia ndërhyri duke e marrë me forcë. Kjo godinë do të shembet për t’i hapur rrugën aksit që do ta lidhë me pjesën e “Lungomares”.
