Gjykata e Tiranës ka vendosur sot masën e sigurisë arrest me burg për Edmond Arapin që akuzohet se porositi një 16-vjeçar për t’i vendosur tritol një biznesmeni italian, që ka një fasoneri në zonën e “Freskut”.
Por Arapi në gjyq nuk ka pranuar as autorësinë dhe as njohjen me italianin që akuzohet se i vendosi pasi nuk i pagoi gjobën 100 mijë Euro. “Unë nuk kam lidhje me këtë. Italianin nuk e njoh dhe nuk e kam takuar. Unë punoj në gurore në Himarë” tha ai.
E ndërsa Arapi u la në burg, adoleshenti që vendosi tritolin për shkak të moshës u lirua. Kjo ishte hera e dytë që vendoste eksploziv në Tiranë. 16-vjeçari dëshmoi se Arapi i kishte premtuar një milion lekë të vjetra për vendosjen e tritolit.